Sirf Khadija ke liye 🎀
kaisi ho aap? 🤍
Aaj poora ek saal ho gaya hai aap ko propose kiye hue.
Yeh hamari kahani hai, jaisi mujhe yaad hai.
Pichle saal isi din maine aap ko ek message kiya tha:
Phir maine kaha ke koi reply to dein, aur aap ne kaha:
Us din bohat hi ajeeb kaifiyat thi. 😶
Aur phir aap ka message aaya:
Us waqt meri tabiyat aur kharab ho rahi thi. Lekin maine khud ko samjhaya ke propose kiya hai to inkaar ke chances to hote hain. Wait karo, aur dobara koshish karo. 💪
Agle din mujhe pata tha ke agar main subah jaldi office chala gaya aur aap ne mujhe shuru mein hi dekh liya, to aap wahin se wapas chali jaogi 😅 Is liye main late hi aaya, 1 ya 2 baje.
Phir jab chat pe baat hui to aap ne kaha:
Aur main chala gaya.
Asr ka waqt tha. Main office se nikal kar masjid chala gaya aur dua ki:
"Allah, maine saaf niyat se aur Islam ke mutabiq baat ki hai, aur meri mohabbat bhi sachi hai. Meri madad karein."
Main wahin baitha raha, Maghrib bhi wahin parhi. Phir ek uncle mere paas aaye aur poocha ke kya hua hai. Maine kaha kuch nahi hua. Unhon ne bas ek hi baat kahi: "Agar samajh nahi aa rahi to istikhara karwa lo."
Main hairan reh gaya ke inko kaise pata meri situation kya hai! 😳 Unhi uncle ne meri madad ki aur mera aur aap ka istikhara karwaya. Aur jab jawab aaya, main bohat khush tha:
"Agar yeh shaadi ho to bohat behtareen hai, lekin azmaishein aayengi. Bas sabit qadam rehna." ✨
Us din hum pehli baar akele mile. Aap ne white kurta aur peach chunni li hui thi 🤍 aur aap ne bataya ke university mein chai gir gayi thi, to change kar ke abhi aayi hoon.
Aap ne mujhe apne baare mein sab kuch bataya, aur maine bas itna kaha: mujhe koi masla nahi. Main aap se pyaar karta hoon aur aap se shaadi karna chahta hoon.
Aap ne Brownie with Ice Cream order ki thi 🍨 aur hum dono ne bas brownie hi khayi.
Phir jab hum wahan se nikle aur aap road cross kar ke saamne chali gayi, to mujhe yaad aaya ke maine jawab to poocha hi nahi! 🤦♂️ Maine aap ko ishara kiya, aap ke paas aaya aur poocha:
"Main koi haan ki umeed rakhoon ya nahi?"
Aur aap ne halka sa sar hilaya.
Woh "haan" thi. 🥹
Main itna khush hua ke bata nahi sakta.
Us ke baad hamari roz baat hone lagi, Instagram pe reels ki sharing shuru ho gayi 📱 aur hamari life bohat achi ho gayi.
Mujhe aap ke saath guzra har khush lamha yaad hai. 🤍
Yaad hai, ek baar aap mere liye khaas tayyar ho kar aayi thi? 😍
Maine aap ko ek ring bhi di thi 💍 Jab aap woh pehen kar aati thi, mujhe bohat acha lagta tha.
Aur aap ka mere saath baithna, aur kabhi kabhi baithe baithe so jana 😴 Ek din to aap 3 dafa so gayi thi! Raat ko aap mujhe bata rahi thi ke "main aaj 3 dafa aap ke saamne so gayi", aur maine kaha tha ke main aap ko hi dekh raha tha, ke sote hue bhi kitni pyaari lagti ho.
Meri Jaan, aap mere liye bohat pyaari ho, bohat khaas ho, bohat ahem ho, aur itni qeemti ho ke jis ki koi hadd nahi. 💎
Aap ko maangne ke liye maine har tarah se koshish ki hai. Aur ek baat bataun? Allah ne kaha ke dua maangni hai to mere ghar aa kar bhi maango, aur maine wahan bhi aap ke liye dua ki aur aap ko apne liye maanga.
Aap ko Hateem mein bhi maanga 🤲 aur har us jagah maanga jahan mujhe laga ke meri dua qubool ho jayegi. Mujhe apni woh saari duaein yaad hain jin mein aap ko maanga hai.
Ab main na-umeed nahi hoon. Bas sabr aur intezaar kar raha hoon ke kab woh waqt aayega jab meri aur aap ki shaadi hogi aur aap meri mehram ban jaogi. 🤍
Meri pasandeeda 🎀
Bas yehi kahunga:
Meri mohabbat ka aitbaar karna. 🤍
Mera intezaar karna.
Aur mujh par trust karna.
Sirf aap ka, Muneeb
Aur ek saal baad, phir wohi sawal
Pichle saal aap ke halke se sar hilane ne meri zindagi badal di thi.
Aaj aap ne phir badal di.
InshaAllah bohat jald. I love you, Khadija. Hamesha. 🤍